Startseite sorbisch

Serbske kubłanske srjedźišćo LIPA wita wšitkich zajimcow wot dźěsća hač k dorosćenemu, žony a muži

W kóždej starobnej klasy maš pola nas móžnosć, kontakty nawjazać, w mjezsobnej wuměnje nowostki wotkrywać, nazhonjenja wuměnić, kreatiwny być abo swoje ćělne derjeměće polěpšić a skrućić.

Prócujemy so, poskitki běžnje dale wuwić a rozšěrić.

Wy maće ideje abo Wam při poskitkach něšto faluje? Tak nawjazajće z nami kontakt. Wjeselimy so na wosobinske rozmołwy z Wami.

Zhońće wjace

Naše poskitki

Staršisko-dźěćacy-kruh

Wy sće mać / nan a Waše dźěćo hišće pěstowarnju njewopyta. Potom je naš staršisko-dźěćacy kruh za Was to prawe.

Sportowe kursy

Waša strowota je Wam a Wašej swójbje wažna. Rozsudźće so za sportowy kurs! Poskićamy je za žony, muži, seniorow a dźěći.

Rejowanje za dźěći

Wy maće zajim na rejowanskim kursu za dźěći abo sće wotewrjene za dalše poskitki, potom smy za Was prawy narěčenski partner.

Požadanski training

k poskitkam

Što wobdźělnicy praja

Nazhonjenja staršich, seniorow a dźěći

„Wjeselu so přez mnohostronski poskitk za wšě generacije. Mje je wosebje sportowy kurs za staršich narěčał, dokelž móžu tu moju dźowku sobu wzać. Tak móžu ja sportować a mam składnosć druhich maćerjow a nanow zeznać a so z nimi wuměnić – perfekt. Lubina sebi w tym času z druhimi dźěćimi hrajka. Čuju nowy młody duch, kotryž je do Lipy zaćahnył a přeju dale wjele wuspěcha.“

„Wulke wjeselo za nas „zrawšich“ muži je, zo móžemy zaso prawidłownje zhromadne w Smjerdźacej w Lipje sportować. To njeje jenož derje za ćěło ale tež za našu dušu. Zapłać Bóh za tutón poskitk wšěm organizatoram a wězo tež našej super trenarce.“

„Jako mać dweju małeju dźěsći pobrachuje mi husto dosć pohon po wječornym programje hišće sportować. „Ćisć“ zhromadneho sportoweho kursa je tuž dobra motiwacija za mnje. Wažu sej krótke puće, profesionalny nawod Michaele Raboweje při zwučowanjach a sportowanju a mjezsobnu wuměnu we wjesnej zhromadnosći. Kurs tyje tuž skrućenju runje tak kaž ćělnemu a dušinemu derjeměću.“

„Njebych sej ženje mysliła, zo so sport z ćěšenkom tak derje ze sobu zjednoćić hodźi. Super kurs, při kotrymž maćerje porjadnje do poćenja přińdu a ći mali so wjesela, skónčnje tež raz z jenak starymi hrać móc.“

„Wopytam sportowy kurs za žony, pod nawodom Michaele Raboweje. Mamy tam móžnosć, w přijomnej atmosferje z małej skupinu žonow sportować. Michaela wjedźe z dobrym přihotom a wotměnu přez kurs, tak zo móžemy cyłe ćěło po swójskich kapacitach trenować a hodźina so tak njesměrnje spěšnje minje.“